有時候，會聽身邊人講,屋企廚房好細,放唔到D咩廚具,嗯...仲要一個人企入去都已經迫爆,想轉身都難,所以識煮都唔多想煮。又或者,要買好多野先煮得果一兩樣,不如出去食,或者買飯盒,仲經濟實惠。可以煮好多款,又焗又燒又煎既,佢既廚房一定好大啦,邊有咁既環境等等...我自己認為,以上都可能係岩既...我由細到大個,到而家,同同屋主既廚房共用,到有自己豆腐磚咁細既廚房,到宿舍既廚房,到家庭環境好了點,居屋的廚房,到夫家的廚房,大姑奶的廚房...去到邊,我都只會係想,單純想煮好食既自己愛既人食,因為物質上的我小女人無能力買,亦都大把人有能力過我送俾佢地,但請佢地回到我家,為佢地準備一餐飯,即使是一碗公仔面,也是充滿愛及心機,用錢都買唔到的。
聖誕節到喇,也只是多一個節日給大家對身邊關愛的人多一個表達愛意及關懷的機會。親朋好友多相聚,縱使平日百事纏身,不如趁這兩日發個短訊,撥個輪,或者約出黎聚下。令這個耶穌聖誕更感恩你仍然呼吸著幸福的空氣。
冰冷的天氣,凍冰冰的手腳不就是想讓你在聖誕節和人聚在一起感受溫暖嗎? 大家不要一個人過喔,亦為那些孤獨的老人,露宿者及苦的人祈禱,希望他們過的溫暖富足一點.
各位,聖誕快樂~
Search